რისკის მაჩვენებლების აღწერა

• მაღალი ფასთაკლება - შესყიდვის სავარაუდო ღირებულებასა და საბოლოო (ხელშეკრულების) ღირებულებას შორის სხვაობა 20%-ს აღემატება;
• ახალი დაფუძნებული კომპანია - ტენდერში გამარჯვებული კომპანიის დაფუძნებიდან ტენდერის გამოცხადების მომენტისთვის (გამარტივებული შესყიდვის შემთხვევაში ხელშეკრულების დადების მომენტისთვის) გასულია 1 წელზე ნაკლები;
• ახალი რეგისტრირებული მიმწოდებელი - სახელმწიფო შესყიდვების პორტალზე კომპანიის მიმწოდებლად რეგისტრირებიდან ტენდერის გამოცხადების დროისთვის (გამარტივებული შესყიდვის შემთხვევაში ხელშეკრულების დადების მომენტისთვის) გასულია 1 წელზე ნაკლები;
• დაბალი კონკურენცია - ტენდერს ჰყავდა მხოლოდ 1 მონაწილე;
• გამოცდილების მოთხოვნა - სატენდერო დოკუმენტაცია შეიცავს მიმწოდებლის გამოცდილების (საკვალიფიკაციო) მოთხოვნებს;
• დისკვალიფიცირება - ტენდერის რომელიმე მონაწილის მიმართ სატენდერო კომისიამ მიიღო დისკვალიფიცირების გადაწყვეტილება;
• ოფშორული ზონა - მიმწოდებელი კომპანიის მეწილე ან დირექტორი დაკავშირებულია (არის ასეთი ქვეყნის მოქალაქე ან ამ ქვეყანაში რეგისტრირებული იურიდიული პირი) შემდეგ ოფშორული ზონის ტერიტორიებთან: პანამა, ბრიტანეთის ვირჯინიის კუნძულები, მალტა, კვიპროსი, გიბრალტარი, ლიხტენშტეინი, აშშ-ს დელავერის შტატი, ლუქსემბურგი, ბელიზი, მარშალის კუნძულები, ანდორა, შვეიცარია, სეიშელის კუნძულები, კაიმანის კუნძულები.
• ავანსის გაცემა - სატენდერო დოკუმენტაცია ითვალისწინებს ავანსის გაცემის შესაძლებლობას;
• მიმწოდებელი კონკურენციის გარეშე - მიმწოდებელი, რომელიც მოგებული ტენდერების 50%-ზე მეტში მხოლოდ თვითონ იყო ერთადერთი მონაწილე და 5 ან 5-ზე მეტი ასეთი ტენდერი აქვს მოგებული;
• ერთ შემსყიდველზე დამოკიდებული მიმწოდებელი - ისეთი მიმწოდებელი, რომელიც თავისი ხელშეკრულებების 50 პროცენტზე მეტს ერთი და იგივე შემსყიდველთან დებს (ერთი და იმავე შემსყიდველის ტენდერებში იმარჯვებს);
• დაბალი ფასთაკლება - შესყიდვის სავარაუდო ღირებულებასა და საბოლოო (ხელშეკრულების) ღირებულებას შორის სხვაობა 3%-ს არ აღემატება;
• შესყიდვის ღირებულების ცვლილება - შესყიდვის შესწორებული ღირებულება სავარაუდოს 10% ან მეტი პროცენტით აღემატება;
• დამარცხებული კომპანიის შეთავაზებული ფასი ნაკლებია ტენდერში გამარჯვებული კომპმანიის საბოლოო ფასზე - დამარცხებული კომპანიის შეთავაზებული ფასი შესწორებულ საბოლოო (ხელშეკრულების) ფასზე ნაკლებია;
• პოლიტიკური პარტიის შემომწირველე კომპანია - ტენდერში გამარჯვებული კომპანია, მისი დირექტორი ან მეწილე არის პოლიტიკური პარტიის შემომწირველი;